Lokalitet med ei kokegrop.
Lokalitet registrert i samband med Områdeplan for Vevring sentrum. Plangrensa går nokre meter aust for sjakta, og det vart disfor ikkje avgrensa mot aust. Topografien gjev grunn til å tru at det er mogleg å finne fleire strukturar på flata mot aust. Avgrensa topografisk mot nord. Sjakta held fram mot vest og sørvest, men er utan fleire funn. Negativ sjakt i sør og søraust.
Lengst aust i den funnførande sjakta ligg det ei kokegrop. Kokegropa ligg rett under torva og eit tynt lag av matjord. Den er 110 cm i diameter, og har grå, kompakt kol- og silthaldig fyllmasse. Er ein del brend bein og skjørbrend stein i strukturen. Strukturen vart snitta, og er på det djupaste 11 cm djup. Dei nedste 3-4 cm av strukturen er svart og kolhaldig linse, og har grå til brune kolhaldige massar over.
Sentralt i strukturen går det eit mogleg staurhol under kokegropa. I snittet startar dette moglege staurholet om lag 7 cm under kokegropa og held fram til 35 cm under kokegropa. Massane i staurholet er dei same brune, kolhaldige massane som det er i kokegropa. Det er ikkje synleg at staurholet går gjennom kokegropa.
Det vart sendt inn ei dateringsprøve (234910VP19) frå kokegropa. Den resulterte i ei datering frå romartid, 2000 +/-30 BP (Beta-649529: 50 cal. BC-84 cal. AD, 1999-1866 cal. BP)
Rapport frå den arkeologiske registreringa er vedlagt i Askeladden-ID. 294308.
