Gagnasafnið er samansett skrá sem inniheldur sameiginlegar spurningar milli tveggja kannana um íslenska þjóðtrú og trúarviðhorf sem lagðar voru fyrir árið 1974 og aftur á árunum 2006-2007. Tilgangur rannsóknanna var að safna upplýsingum um þjóðtrú landsmanna og reynslu af svonefndum dulrænum fyrirbærum og viðhorfum til þeirra. Erlendur Haraldsson stóð að baki fyrri könnuninni og einnig þeirri seinni, sem byggðist að miklu leyti á þeirri fyrri og var unnin í samstarfi við Terry Gunnell.