Her er funne 13 tufter, 2 moglege tufter, 3 innhegningar, 7 båtopptrekk og 2 moloar. Dei er truleg av noko ulik alder, men det er ikkje utruleg at dei eldst går attende til tidleg mellomalder eller yngre jernalder.Tuftene er mykje overgrodd av lyng og gras. Murane er som oftast av rullestein og er no mykje samanfalne og utsigne i ein del tilfelle. Utvendes mål er for dei fleste tuftene omlag 7 x 7 til 6 x 6 m, men ei måler 8 x 7 m utvendes. Innvendes mål er ein god del mindre, ofte berre 3,5 x 3,5 til 4 x 4 m.Feltet synest tilhøyra den fornminnegruppa som i dei seinare åra er kjende under nemninga kysttufter.