Gravrøysa er om lag 16 m i tverrmål og 2 m høg. Ho er bygd av steinar/blokker, 0,1-0,7 m store. Steinane ligg i dagen, berre nokre er dekte av eit tynt moselag. I midten av røysa er det eit søkk, 7 x 7 m vidt og 0,4-0,8 m djupt. Det er òg nokre mindre sår i røysa, særleg i SV og NO. I vestre del ligg mykje utkasta stein. Midt i det store søkket veks eit rognetre. Elles står det lauvtre i kanten av røysa, mest langs den sørlege halvdelen av ho. Røysa er relativt klårt markert og godt synleg i lendet.